Un texto non é só o que di, senón como o di. A corrección de estilo elimina imprecisións de vocabulario e erros gramaticais, mellora a fluidez e asegura que cada palabra teña o seu lugar. A corrección estilística engade riqueza léxica e elimina vicios que poden restar impacto.

Ademais, este proceso resolve inconsistencias sintácticas (concordancia, tempos verbais ou réxime preposicional…), asegura que a puntuación estea perfectamente adaptada ás normas da lingua e elimina redundancias innecesarias. O resultado? Un texto refinado, lexible e capaz de comunicar con forza e precisión.

En Edicións Fetiche, sabemos que cada texto é unha oportunidade para impactar. Por iso, coidamos cada detalle coa máxima profesionalidade e respecto polo estilo de quen crea. Se queres que as túas palabras brillen e conecten como nunca, contacta connosco ou consulta as nosas tarifas.